C'l artìcul chè 'l è scrit in
Miranduléś |
Sherman Oaks 'l è 'n distrét dla sità 'd Los Angeles ch'al s cata in dla Val ad San Fernànd, grand a 'l incìrca sinc km². A difarénsa dla part più granda dla Valley, cl'àrea chè l'è piutòst urbaniśàda, a gh'è anc di gratacēi su 'l viàl più impurtànt, la Ventura Boulevard.
Stand a 'l censimènt dal 2010 i sò abitànt i èṅ 52.677 ch'i s divìd'n in un 82% ad biànc, un 5% 'd aśiàtic, un 3% ad négar e 'n 11% 'd ispànig. I èṅ dimóndi i persunàǵ famóś ch'i èṅ stâ o i èṅ vgnû a star chè cuma la Paula Abdul, la Jennifer Aniston, Tom Selleck, James Dean, Shia LaBeouf, la Paris Hilton e Charlie Sheen.
Sherman Oaks 'l è un pòst fighét in du i gìran di bèsi e pîṅ ad boutique e 'd risturànt. Dimóndi famóś 'l è 'l sèntar cumersàł ciamâ Sherman Oaks Galleria in du i s catàv'n al valley girl califurgnàni p'r al sò còmpri e par spataglàr.
© MMXXIII Rich X Search. We shall prevail. All rights reserved. Rich X Search